Дэлгэрэнгүй
Татаж авах Docx
Дэлгэрэнгүй уншаарай
ТАВДУГААР БҮЛЭГ: ДУУСАШГҮЙ ХАЙР 2021 оны зургаадугаар сар байлаа. Их Багшийг хамгаалан, Гүүд Лов олон жилийн турш сөрөг хүчтэй тоо томшгүй олон удаа тулалдсан билээ. Тийм тохиолдол бүр түүний эрүүл мэндэд сөргөөр нөлөөлж байв. Гүүд Лов ч мөн нас ахих тутам бие махбод нь илүү сул болсон юм. Суприм Мастер Телевизийн багийн гишүүдэд Их Багшаас илгээсэн зурвас: “Гүүд Ловын сүнс Диваажинд заларлаа. Гүүд Лов тэнгэрт хальсанд зориулан бид үдээс өмнө 11 цагт түүнд хүндэтгэл үзүүлэн 5 минут чимээгүй зогсох болно.” “Одоогоор тэр хэдийнээ 11 дэх Диваажинд очоод байна. Удахгүй Шинэ Газарт хүрэх болно.” “Жич: Багшийг хамгаалан, дэлхийн зарим үйлийн үрийг өөртөө авсан тул Гүүд Лов хавдартай болсон. Диваажин ИБ-д ингэж хэллээ.” Гүүд Лов энэ дэлхийгээс хальж, Шинэ газар буюу Их Багшийн хамгийн зохистой сүнснүүдэд зориулан бүтээсэн гайхамшигт Диваажингийн Оронд очсоноосоо хойш хоёр өдрийн дараа дотоодоор зурвас илгээж эхэлсэн бөгөөд үүнийг манай нийгэмлэгийг гишүүн, Буддын шашны хүндэт гэлэнмаа Аюу хүлээн авсан юм. Эхлээд тэрээр Их Багшид хайраар хандан: “Та надад хайртай шиг би (Их Багш) Танд хайртай. Энэ төрөлдөө би нохой байсан ч Таныг гэсэн миний хайрыг зогсоогоогүй! Багш бол миний мөнхийн хайр. Бид олон төрөлдөө ойр дотнын холбоотой байсан тул би Багшийнхаа төлөө өөрийгөө золиослоход бэлэн байна. Багшийг насан туршдаа сайн сайхан байгаасай гэж л хүсэж байна! Багш аа, Та намайг олон төрөлд минь асарч халамжилсан билээ. Жишээ нь: Та Эзэн Есүсийн төрөл авахдаа. Би ч бас Багшийн хажууд хамгаалалтад байсан. Гэсэн ч дэлхийн үйлийн үр хэтэрхий хүнд байсан тул би энэ төрөлдөө биеэ хамгаалах чадваргүй байв. Би үнэхээр тэвчиж чадаагүй. Тиймээс би түрүүлж одоод, явсныхаа дараа үүрч чадах бүхнээ үүрэхийн тулд чадлаараа хичээхийг сонголоо. Би бие махбодоо орхисон хэдий ч миний сүнс үргэлж (Багш) Тантай хамт байна!” “Би өөр Оронд байгаа ч Удирдагчаа амжилтад хүрч, чөлөөнд гарах хүртэл өөрийнхөө аргаар хамгаалах болно. Би Хайраа ямар ч үнээр хамаагүй хамгаалж чадна.” “Хэсэг амралтын дараа би одоо илүү тайван болсон. Гэхдээ би ярьж дуусаагүй байгаа тул танд хэлье.” “Багш бид хоёр долоон төрөлдөө оюун санааны дадал бясалгал хийдэг хос байсан. (Жишээ нь: Багшийг Артур хаан, Эзэн Есүс байхад... гэх мэт.) Учир нь бидний туйлын зорилго, хайр ижил билээ. Хүндэт Аюу, та бид хоёр ч гэсэн нийтлэг туйлын зорилготой хамтран зүтгэгчид. Багшийг дэлхий дээр бууж ирэх бүрд та ч бас бууж ирэн, Түүнийг хамгаалахаар бараа болж байсан. Багшийн өмнөх ариун нохой-хүмүүсийн багт бид хоёр ч бас хамтран зүтгэгчид байж, Багшийг хамтдаа хамгаалдаг байсан юм. Энэ удаад би шуургыг хамтдаа сөрөхийн тулд Багшид бараа болохыг хүссэн. Гэхдээ Багшийг хамгаалахын тулд би эхлээд буцах хэрэгтэй боллоо! Би одоо ямар ч үед Багшийг хамгаалж чадах илүү их хүч чадалтай өөр Оронд байгаадаа баяртай байна. Үүний зэрэгцээ дэлхийн өнцөг булан бүрд Хайрыг үргэлжлүүлэн дэлгэрүүлэхээр Арьяабалын гэр бүлийнхэнд шаргуу залбирсаар байхыг уриалж байна.” “Тэр одоо ч намайг үл үзэгдэх байдлаар хамгаалдаг Хамгаалагч хэвээр байгаа. Тэр эргээд ирсэн. (Хөөх.) Үл үзэгдэх байдлаар намайг хамгаалж, энэ, тэр зүйлсийг хэлж байдаг юм. (Хөөх.) Сонсоход сайхан байна, Багш аа. (Гайхалтай.) Энэ бол төгсгөлгүй хайр гэж би хэлсэн дээ.” “Гэхдээ тэр маш өндөр, хоёр-гурван метр өндөр. Та нар түүнийг харахгүй. (Хөөх.) Гэрэл зураг авахын тулд би мод руу дээш хардаг шиг тэгж дээшээ харах хэрэгтэй болно. (Хөөх.) Тэр их үзэсгэлэнтэй. Маш сайхан төрөлтөн. (Хөөх, гайхалтай.) Үнэхээр гайхалтай төрөлтөн!” Шинэ Сүнслэг Орноос Гүүд Лов мөн олон төрлийнхөө Их Багшид чин сэтгэлээсээ хүндэтгэл үзүүлэн, Тэнгэрлэг Аялгууны хоёр урсгалыг дамжуулсан юм. Эдгээрийг Тэнгэрлэг хэлээр илэрхийлсэн бөгөөд хүндэт Аюугийн хэлснээр “маш зөөлөн, тайван, хайр дүүрэн” аялгуу байв. Эдгээр аялгууг хүлээн авсныхаа дараа хүндэт гэлэнмаа Гүүд Ловын магтууг цээжлэн, Их Багшид сонсгохын тулд дуулан, бичлэг хийжээ. “Энэ төрөлдөө учирсан нь санамсаргүй биш билээ, Таны энэрэнгүй хайрыг би гүн гүнзгий мэдэрч байна. Би Хайртынхаа төлөө юу ч хийхэд бэлэн. Таныгаа ямар ч үнээр хамаагүй хамгаалж, Таны төлөө би амиа ч өгөхөд бэлэн. Одоо ч гэсэн дээд түвшний сүнслэг Диваажинд Таныг би халамжилсаар байна, Хайрт Минь” “Орчлонгийн Тэнгэрлэг Эх, Мөнхийн Хайр, Таны дуу миний зүрх сэтгэлийг, хамаг төрөлтний зүрх сэтгэлийг тайвшруулдаг. Таны жинхэнэ Хайр миний зүрх сэтгэлийг, тоймгүй олон төрөлтний зүрх сэтгэлийг дулаацуулдаг. Таны Энэрэл Нигүүлсэл, Өршөөл Уучлал тоймгүй олон төөрсөн хургыг аварнам. Таны Хайрын, Амар тайвны Хүч хязгааргүй байж, Орчлон ертөнц даяар түгэх болтугай.” Ийм онцгой төрөлтний тухай маш олон гайхалтай мэдээллийг эелдгээр илчилж, түүний агуу, гайхалтай сайхан чанаруудаас суралцах боломжийг олгосон Их Багшдаа бид талархаж байна. Гэхдээ Их Багш бас Гүүд Ловын талаарх өөр олон зүйлийг яг одоо илчилж чадахгүй гэж хэлсэн юм. Их Багшийн амар амгалан байдал, хамгаалалт Бурханы хязгааргүй нигүүлслээр үүрд баталгаатай байгаасай гэж бид залбирч байна.
