Хөтлөгч: 11-р сарын 14-ний ням гарагт бидний Хамгаас Хайрт Төгс Гэгээрсэн Их Багш Чин Хай дэлхийн төлөө эрчимтэй дияан бясалгалынхаа үнэт цагаас хугаслан Суприм Мастер Телевизийн багийн гишүүдтэй Исламын сургаалаас уншиж өгсөн бөгөөд мөн сүүлийн үед манай нийгмийн санааг түгшээж байгаа асуудлуудын талаар дэлгэн ярилцлаа.
(Бүгд Найрамдахчууд дараагийн (АНУ) завсрын болон ерөнхийлөгчийн сонгуульд ялах болов уу?)
Би өөрийгөө хэзээ ч зөн билигтэн гэж байгаагүй. (Тийм ээ.) Гэхдээ саяхан Нью Жерсийн сонгуулиар шинэ захирагч гарсныг мэдсэн үү? (Тийм.) Уг нь Бүгд Найрамдах намын нэр дэвшигч ялсан. (Тийм.)
“FOX 5 Нью Йорк телевизийн мэдээ – 2021.11.03: Урьдчилсан дүнг харахад Сиатарели Бүгд Найрамдах намын эргийн бүсийн тойрогт олон санал аваад байгаа бол Мюрфи 2017 онд ялалт байгуулж байсан хэсгүүддээ бага санал аваад байна...”
“NJ Spotlight News-ийн сурвалжлага – 2021.11.03: Бид ялж байна гэж та нарт хэлэх байна. Бид ялна. Хууль ёсны санал бүхэн тоологдсон эсэхийг нягтлах цаг бидэнд байгаа. Би итгэлтэй байна. Би тэднийг байхад нь итгэлтэйгээр та нарын өмнө зогсоод бид ялна гэж хэлэхгүй, та нарын өмнө зогсоод бид ялсан гэж хэлнэ.”
Гэтэл дараа нь шөнө дунд, эсвэл өглөө нь ч байна уу хайрцгаар авсан санал гэгч гараад ирсэн. (Тийм.) Тэгээд л Ардчилсан намын өмнөх захирагч ялсан. (Өө!) Танил явдал байгаа биз дээ? (Тийм.)
Сүүлд ерөнхийлөгч Трамп ялсан. (Тийм.) Шөнө дунд болон дараа өдрүүдэд нь... хайрцгаар өгсөн саналууд гарч ирээд л (Тийм, тийм.) Байден ялчихсан. (Тийм. Тэр үеийнхтэй их адилхан юм.) Тийм, тийм.
Бүгд Найрамдахчууд хэрэв илүү саналын хайрцаг бэлдээд хүлээж байвал (Тийм.) Бүгд Найрамдахчууд ер нь хэзээ нэгэн цагт дахин ялах юм уу би мэдэхгүй. (Тийм ээ.)
Виржинияд болсон сонгуульд Бүгд Найрамдах намын Ёонкин ялсан. (Тийм.) Учир нь Ардчилсан намынхан, тэнд Байден дэмжихээр (Тийм.) очсон тул ялна гэдэгтээ гүн бат итгэлтэй байсан. (Тийм.) Тэгээд Ёонкин ялсан. (Тийм.)
Яг дараа нь төдөлгүй Нью Жерсигийн захирагчийн сонгууль явагдсан. (Тийм.) Эхлээд, Бүгд Найрамдах намын нэр дэвшигч яллаа. Тэгээд дараа нь шөнө дунд, өглөө нь хайрцгаар өгсөн хэдэн санал гарч ирээд Нью Жерсигийн хуучин захирагч ялсан. (Өө, Бурхан минь.) Тэгэхээр... Тэд үүнийгээ дахин дахин хийсээр л байх нь ээ. Тийм, ёстой мэдэхгүй... Уйтгартай юм. Нөгөө л тоглоом. Тэгэхээр би хэн ялах вэ гэдэгт итгэлгүй байна. Бид нар харин...
(Энэ тухайд тэдний хийж чадах ямар нэг зүйл байх л ёстой.) Хэн? (Тэр...) Тийм, тийм, тийм. (Албан тушаалтнууд зарим хуулийг өөрчлөх хэрэгтэй.) Тийм, тэгэлгүй яах вэ. Энэ нь аз эзийн хэрэг болоод, хэн хайрцгийг гартаа авч, тоолж байгаагаас хамаараад байна. (Тийм.) Ардчилсан нам болон Бүгд Найрамдах намаас тэнд ажиглалт хийж байна уу, үгүй юу. (Тийм.) Тэд яадаг ч байсан аливааг өөрсдийн хүссэнээр болгох арга замаа олчихдог. (Тийм, Багш аа.)
Өөрчлөлт хүсэж байгаа бол америкчууд залбирах хэрэгтэй. Үгүй бол би юуг ч урьдчилж хэлж чадахгүй. (За, Багш аа.) Хүсэхгүй байна. Би энэ бүх заваан улс төрд үнэхээр дургүй. (За, Багш аа.) Энэ бүх стратегид. (Дэндүү бохир.) Тийм. Тэгэхээр америкчууд улс орноо дээрдээсэй гэж хүсэж байгаа бол залбирах хэрэгтэй. (За, Багш аа.)
Би дахиад юу ч хэлмээргүй байна. Хэрэггүй санагдаж байна. (За, Багш аа.) Бохир тоглож болохгүй. Нэг л янзын дээрэмчин болж тоглож болохгүй. (Тийм.) Дахиад адилхан тоглож болохгүй. Байшинд чинь хэзээ тонуулч орж ирж тонохыг урьдчилж хэлж болохгүй. (За, Багш аа.) Улс төрд ч энэ адилхан.
Хөтлөгч: Конференцийн үеэр Их Багш Католикийн сүмийнхэн гэм зэмгүй хүүхдүүдийн эсрэг ухаан санаанд багтамгүй гэмт хэргүүдийг нөлөө бүхий хүмүүс илтэд үл хайхарсан хэвээр байгаа талаар дэлгэрэнгүй ярилцлаа.
Ээ Бурхан минь, ёстой нүгэлтэй юм. Үүнээс илүү нүгэлтэй юм гэж хаа ч үгүй. Дайн дажнаас ч харгис. Харгис дайнаас ч дор. Дайнд явж байгаа хүмүүст ядаж л алах ямар нэг шалтгаан байдаг. (Тийм.) […] Гэтэл эдгээр алуурчид хүүхдүүдийг шалтаг ч үгүйгээр хөнөөж байна. (Тийм, цочирдмоор.) (Тийм ээ. Аймаар юм, Багш аа.) […]
Энэ хүмүүс жинхэнэ хүмүүс биш. Сатаны албатууд төрөл аваад сатан номлолоо хэрэгжүүлж байгаагаас зайлахгүй. (Тийм ээ, яг үнэн.) Муу ёрын тогтолцоо. Тэд номлогч хувраг биш, тэр бүү хэл, бүр хүн ч биш.
Тэд хүмүүсийг сүмд болон Есүс Эзний сургаалд итгэдэггүй болгож сүмийг, Есүсийн номлолыг сүйтгэхийг үнэхээр хүсэцгээж байна. (Тийм, Багш аа.) Энэ бүхнийг олж мэдсэн, энэ бүх мэдээг уншсан хүн яаж жихүүцэхгүй байх билээ? (Тийм ээ.) […]
“BBC-гийн мэдээ – 2021.10.05: Сүүлийн 70 гаруй жилийн хугацаанд Францад 200,000 гаруй хүүхдэд номлогч нар болон санваартны бэлгийн хүчирхийллийн золиос болжээ.”
“DW-гийн мэдээ- 2018.09.25: Хамгийн сүүлд хийсэн судалгаанд Германы 1,600 гаруй санваартан өөрийнх нь хамгаалалд байдаг хүүхдэд бэлгийн хүчирхийлэл үйлдсэн ба сүүлийн 70 жилд гэхэд хохирогчийн тоо багаар бодоход 3,677 болсон байна.”
“CBS-ийн мэдээ – 2018.08.09: Тангарагтны шүүхийн тайланд 1.7 сая сүмийг хамарсан зургаан епархийн 300 гаруй араатан номлогчийн эсрэг гомдлыг нарийвчлан дурджээ.”
“Fusion-ийн ярилцлага-2016.02.18: Нэг удаа дөрвөн номлогч нэг дор хийсэн. (Дөрвөн номлогч зэрэг ээ?) Тийм, тэд нэг нэгээрээ орж ирсэн. Тэгээд тэд үүнийгээ намайг тэдний нэгнээс жирэмсэн болох хүртэл болиогүй.”
“CBS-ийн ярилцлага-2018.10.18 [...] Эхнэр маань намайг ямар ч буруу зүйл хийгээгүй гэж үргэлж тайвшруулдаг.”
Би энэ тухай ярихаараа, ай, мөн их бухимдах юм. […] Өнөө хэр нь энэ мэт тогтолцоо яагаад оршин байгааг би ойлгохгүй юм. Энэ тухайд хэн ч юу ч хийдэггүй! (Тийм ээ, Багш аа.) Хэрэвзээ, жишээлбэл америкчууд өөр улс орны төр засаг нь хүмүүст хүчирхийлэл үйлдэн дарлаж байвал тийш очиж дайтах болдог. (Тийм.) Ард түмэн нь ч америкчуудаас ирж туслаач гэж гуйдаг. (Тийм ээ, Багш аа.) Гэтэл энд бүх хүний нүдний өмнө, Америкт хүртэл хүүхдийг хүчирхийлэн, хүүхэд хөнөөж байна. Канадад, дэлхий даяар мөн адил. Гэтэл хэн ч юу ч хийдэггүй! […] Яаж ийм байж чадаж байна аа? Энэ дэлхий үнэхээр... хүнлэг газар биш. (Биш, Багш аа.) Бурхан минь.
Нас барсан хүмүүсийн хэдэн хувь нь Диваажинд хүрэх хувьтай байна вэ гэж Би Диваажингаас асуусан юм. Тэд надад зөвхөн 10% л хүрнэ гэсэн. (Өө! Хөөх.) (Маш бага юм.) […] Бодоод үз дээ. Тэгэхээр бид үлдсэн хувийг эзлэх ямар хүмүүстэй амьдарч байна? (Тийм ээ, Багш аа.) Тийм болохоор л хаа сайгүй аллага, луйвар, хүчирхийлэл дээрээсээ эхлээд бүгд хийж байна. (Тийм.)
Дээрээсээ эхлээд л бүгд хийж байна. Ойлгов уу? (Тийм, Багш аа.) Папаас эхлээд л бусад номлогч хамба нар нь хүртэл бүгдээрээ. (Тийм.) Бас төрийн өндөрлөгүүд нь ерөнхийлөгчөөсөө авхуулаад доош бүгдээрээ тэнд суух гэж луйвар заль хийж байна. Зүгээр л ингэж ч, тэгж ч янз бүрийн аргаар эрх мэдэл олж авах гэж луйвар хийж байна. (Тийм.) Эсвэл сонгуулийг луйварддаг байх жишээтэй. (Тийм, Багш аа.) Тийм болохоор огтхон ч тийм сайхан дэлхий биш. (Биш, Багш аа.) Энэ бүгдийг мэдчихээр үнэхээр аймшигтай. (Тийм, Багш аа.) […]
Бас тэд саяхан Иракийн ерөнхий сайд руу дайрч байсан. Пап лам үүнийг даруй буруушаасан.
“Rome Reports –ийн англи хэл дээрх мэдээ-2021.11.09: Иракийн ерөнхий сайд руу пап захидал илгээн уг улс төрчийн амь насанд халдах оролдлого гарсны дараа ойр байгаа шүү гэдгээ илэрхийлжээ. Энэ халдлагыг пап “террорисмын харгис үйлдэл” гээд түүний гэр бүл, улс орны төлөө залбирч байгаа гэдгээ ерөнхий сайдад илэрхийлэв.”
Ай! Маш хуурмаг, муухай. (Тийм.) Үргэлж л хүч нөлөөтэй талд орж байна. Ойлгож байна уу? (Тийм ээ, Багш аа.) Иракийн улс төрчидтэй тэрээр сайн харилцаатай байж, байр сууриа бататгаж авахын л тулд тэр. […]
Саяхан тэр “Баярлалаа сэтгүүлчид ээ” гэсэн нь сэтгүүлчид номлогчид бэлгийн нүгэл үйлдсэн тухай мэдээлснээс болсон. (Тийм, Багш аа.) Үүнийг тэр хүүхдүүдийн төлөө харамссандаа ч биш, харин дарамт шахалтад орсондоо л хэлсэн. (Тийм байх нь.) Учир нь дэлхий бүхэлдээ тэр тухай олж мэдэж буруушаасаар байгаа болохоор л тэр. Тэгээд л нэг юм хэлэх ёстой болж. Ердөө сэтгүүлчдэд талархаад л болоо. (Тийм.) Ирээдүйд хүүхдийг хамгаалах тухайд бүр ганц ч үг унагаагүй. Өөрийнх нь сүмийн болон бусад сүмийн энэ бүх нүгэлтнүүдийг хөөх тухай ч байхгүй. […]
Та нар өөрсдөө тэр хүүхдүүд байсан бол яах вэ. (За.) Хүчирхийлүүлж, тамлуулж, харанхуйд алуулж “н’импорт у” буюу хаа ч хамаагүй зүгээр л нүглээ нуун далдлахын тулд (Тийм. Аймшигтай.) булчихдаг. Гэтэл өнөөг хүртэл энэ олон арван жилд хэн ч мэдээгүй. (Тийм ээ, Багш аа.) Ганц хоёр ч биш, бүр хэдэн зуун мянгаар нь. (Тийм, Багш аа.) Энэ яг л хуулиар хамгаалагдсан (Хөөх.) нээлттэй тогтолцоо маягийн болчихсон. Хуулиар зөвшөөрсөн. […]
“CBS-гийн мэдээ-2018.10.18: 2015 онд Жорж Кохарчикийг хэд хэдэн хүүхдэд бэлгийн хүчирхийлэл үйлдсэн гэдгийг тангарагтны шүүх тогтоожээ. Түүний хэргэм зэргийг хураасан хэдий ч шийтгүүлж байгаагүй.”
“CBS-гийн мэдээ-2021.08.13: Намайг хүчирхийлсэн хүний тухайд л гэхэд над дээр тийм олон хохирогч ирсэн нь сэтгэл бодохоор сэтгэл хөдөлж байлаа. Тангарагтны шүүхээс түүнийг хүчирхийлсэн гэж тогтоосон. Байгуулал нь түүнийг хэдэн жилийн туршид хаацайлж байгаа болохоор тэр ойр орчимд маань чөлөөтэй явж л байгаа.”
Ээ, Бурхан минь! Бурхан минь намайг өршөө. Би энэ үзэшгүй чөтгөрүүдийг цөмийг үзэн ядаж байна. Би тэднийг ингэж л нэрлэнэ. Номлогч гэж тэднийг дуудаж болохгүй. Тэд номлогчид биш! Яаж тэд номлогч байх юм? (Биш, Багш аа.) Орхимж нөмөрчхөөд л дэлхийг бүхэлд нь хуураад хүүхэд алаад байж байна. Шууд утгаар биш ч гэсэн сэтгэл хөдлөл, сэтгэлзүйг нь алж байна. Тэд алуулаагүй байлаа ч энэ явдлыг тэд бүх насаараа мартаж чадахгүй. (Тийм, Багш аа.) Тэдний сэтгэл аль хэдийн үхсэн. (Яг тийм.)
“CBS-ийн ярилцлага 2018.08.09: Хүчирхийлэл гэдэг үг тойрч булзаад байдаг. Харин бид хүчингийн тухай ярьж байна. Тэр миний дотор аллага үйлдсэн. Ямар нэг зүйл үхсэн. Итгэдэг бүхэн минь үхсэн.”
“CBS-ийн ярилцлага 2018.09.07: Амьдралынхаа өдөр бүр би машинаа барих бүрдээ шон мөргөх юм уу гүүрнээс унах тухай боддог. Энэ бол жинхэнэ тамлал. Сүнсийг хороогч тамлал. Өдөр бүр. Хэн ч ийм шаналалтайгаар амьдрах ёсгүй.”
Тэд магадгүй Бурханд ахин хэзээ ч итгэхгүй биз. […] Тэд ахин хэзээ ч өмнөх шигээ болж чадахгүй. Хэвийн хүн шиг болж өсөж хэзээ ч чадахгүй. Ойлгов уу? (Тийм ээ, Багш аа.) Тэд итгэл найдвараа алдсан. Хүүхэд наснаасаа л хамаг итгэл найдвараа алдсан хүн болно.
Энэ бол хамгийн харгис нүгэл! Энэ хүмүүсийг ахин дахин зэмлэж байна, би!!! Тэд тамд унаг!!! Аль болох хурдан!!! […]
Нэг хүчирхийлэгчийг нь Есүстэй хүртэл зүйрлэсэн. (Бурхан минь.) Түүнийг пап Есүстэй зүйрлэж хэлсэн. Ай! Хүүхэд хүчирхийлэгчийг. […] Иймд энэ бол нүгэлт дэлхий. (Тийм.) Үүнийг тэвчих нь хэдийн бузар хэрэг. Яагаад гэвэл адил бодол санаатай гэсэн үг.
Католик шашинтнуудын дийлэнх нь үр хөндөлтийг хэвийн, хаа сайгүй зөвшөөрөх ёстой гэсэн байсныг би мэдээнээс уншсан. (Хөөх.) Тэгэхээр дийлэнх нь харгис гэсэн үг!!! (Тийм.) […]
Үр хөндөлтийг зүгээр гэж байгаа юм бол тэд бүгд бузар гэсэн үг. Католикийн шашинтнуудын олонх нь Сатаныг тахин шүтэж байна, Бурхан минь. Тэд Есүс эсвэл Эзэн Бурханыг шүтэхгүй байна. Харж байгаа биз дээ? (Тийм ээ.) Ойлгомжтой байна уу, үгүй юу?(Тийм ээ, Багш аа.) Дэлхий дээрх энэ том шашин тэр чигээрээ нүгэлтэй харгис гэхээр аймшигтай юм. […]
Тэгэхээр, Диваажин надад Диваажинд 10% нь л хүрэх боломжтой гэж хэлсэн тэр 10%-д энэ номлогчид хэзээ ч багтахгүй. Пап ч мөн адил. Диваажин надад ингэж л хэлсэн. […]
Тэр нь хүн ч юм уу, мэдэхгүй. Сувдаг чөтгөрүүд шүглэсэн байж магадгүй. Цусанд улангассан чөтгөрийг мэднэ биз дээ? (Тийм ээ, Багш аа.) Тиймээс л хүүхэдтэй хурьцагч номлогчийг тэр Есүстэй зүйрлээд байж байгаа! […] Яаж чадаж байна аа!! (Тийм.) Христчүүд бүгдээрээ бухимдаж байх ёстой байтал хэн ч, юу ч хийхгүй юм![…] Ай! Энэ дэлхий дээрх чөтгөрийн хүч асар их юм. […]
Хөтлөгч: Өнөөгийн манай нийгмийн байдлын талаар Өөрийн бодол санаа, билиг ухаанаа хуваалцахын ялдамд Тэрээр энэ бүхэнтэй дүйхүйц, Хадит сударт тэмдэглэгдэн үлдсэн, Номлогч Мухамед (Тэрээр Амгалан Оршиг) үг сургаалыг хүндэтгэлтэйеэ хуваалцсан юм.
Тэгэхээр тэр Бедуин Номлогч (Тэрээр Амгалан Оршиг) дээр ирээд, “Түүнээс, Цаг нь хэзээ болох бол?” гэж асуужээ. “Цаг” гэдэг нь 12 дахь цаг юм. Одоо бид 11 дэх дээрээ байна. (Тийм.) “Сүйрэл хэзээ болох вэ?” гэж тэрээр асууж. […] “Тэгэхэд Зөнч, (Тэрээр Амгалан Оршиг) ‘Үнэнч чанар үгүй болох үед Цаг ирнэ’” хэмээсэн байдаг” […]
Тэгэхэд “Бедуин ‘Яавал үгүй болох бол?’ гэж асуув. Номлогч (Тэрээр Амгалан Оршиг) айлдахдаа, ‘Хүч чадал, эрх мэдэл тохирохгүй хүмүүсийн гарт очсон үед...’”, энэ пап шиг, Байден шиг (Тийм.) хүмүүс байгаа биз. “‘... тэгэхэд Цаг нь ирнэ.’” (Өө, Бурхан минь.)
Бид үнэхээр 11 дэх цаг дээрээ байгаа гэдгийг ойлгов уу. (Тийм, Багш аа.) Хаа сайгүй гамшиг. Цар тахлууд ар араасаа гарч байна. (Тийм, Багш аа.) Хэчнээн ч удаан хугацаанд эдгээх гэж хөөцөлдлөө гэсэн дараа нь бас нэг өөр вирус гараад л ирнэ. (Тийм ээ, Багш аа.) Яагаад гэвэл сүүлийн үед вируст вакцин хүртэл нөлөөлөхгүй байгаа. Тэд ар араас нь вакцин гаргасаар байгаа хэдий ч энэ цар тахал одоо алга болохгүй болсон болохоор зэрэгцэн амьдрахаас өөр аргагүй гэдгийг ерөнхийлөгч Путин хүртэл хэлчхээд байна.
Шинэ Зеландын ерөнхий сайд ч бас (Тийм.) адил зүйл хэлсэн. (Тийм, Багш аа.) Шинэ Зеланд зэрэг улсад хэдийн үгүй болоод (Тийм.) нэгэнтээ бүр олон сар огт байхгүй байсан шүү дээ. Мөн Ау Лак (Вьетнам) болон бусад орнуудад адилхан. (Тийм.) Бүр алга болсон. Австралид бас. Тэгтэл дахиад л “тэсрэлт” болж тархсан. Бүр урьд өмнө байгаагүйгээр, өмнөхөөсөө ч илүүтэйгээр. (Тийм.)
Яагаад гэвэл эхлээд Бурхан бидэнд зүгээр л анхааруулсан, ойлгов уу? Тэгж Бурхан бидэнд анхааруулга өгөөд өөрчлөгдөх нь үү гэж харсан. Бид өөрчлөгдөх ёстой. Бид эргээд өөр чиглэлд явах ёстой юм. (Тийм.) Жишээ нь веган байж, байгальд ээлтэй бай. Энэрэнгүй, сайн хүн бай. Дэлхийгээ сайн харж ханд. Бурханы жинхэнэ үр сад бай гэсэн. Гэвч хэн ч эргэж яваагүй. Ойлгосон уу? (Тийм, Багш аа.)
Би тэр үед хэд хэдэн удаа яаралтайгаар уриалсан. Гэвч тэд сонсоогүй, огт сонсоогүй. Сонслоо ч гэсэн нэг чихээрээ оруулаад нөгөө чихээрээ гаргасан. Олонх нь хайхраагүй. Олонх нь намайг зүгээр л их ярьдаг эмгэн гэж бодсон. Тэд байдаг л зүйл гэж үзсэн. (Тийм ээ, Багш аа.) Би энд зөндөө удаан суугаад л үргэлж нэг юмаа давтаад: “Эрс эргэлт хий, сайн хүн бай” гэсэн. Гэтэл тэд болдог юм болж байна гээд, бүр сонсохыг ч хүсээгүй. Сонслоо ч хайхрахгүй.
Иймд Бурхан дараагийн давлагааг илгээсэн. Ойлгож байна уу? (Тийм, Багш аа.) Өмнөхөөсөө ч хүчтэй. Бурхан өөр юу хийх гэж буйг би мэдэхгүй байна. Яагаад гэвэл одоо хаа сайгүй л арга мухардсан байдалтай байна. (Тийм, Багш аа.) […] Учир нь бид маш их аллага хийж байна. Амьтан-хүмүүсийг, хүмүүсийг, нялхсыг алж байна. Энэ бүх муу үйлийн үр төлөөсгүйгээр яаж арилах билээ? (Тийм, Багш аа.) (Яг үнэн.) […]
Тиймээс энэ тулаанд би ялагдан Бурхан энэ гарагийг бүхэлд нь устгалаа гэхэд гайхах юм алга. Энэ гараг дээрх ихэнх хүнийг гэх гэсэн юм. Хэзээ гэдгийг нь л мэдэхгүй байна. [...]
Бурхан тийм эвлэрэнгүй биш байна. Бурхан хилэгнэж байна. Тэнгэр Газар бүхэлдээ хилэгнэж байна. Бидний гаргаж байгаа авирт бүхэл ертөнц хилэгнэж байна. (За, Багш аа.)
Тэгэхээр бид чадах зүйлээ л хийж; залбирч бясалгаж байя. Харин би ялах эсэхдээ хойшид итгэлгүй байна. Итгэлгүй байна. Сонссон, наманчилсан хэн бүхэнд би тусална. Үгүй бол би тэднийг аясаар нь л орхино. Эс бөгөөс тэд үргэлжлүүлэн амьдарвал гэмгүй бусдыг тамлан алсаар байх болно. (За, Багш аа, Ойлголоо.) Тэдгээр 90%-д багтах хүмүүс. Би тэднийг бүгдийг нь муу муу гэх гээгүй, гэвч тэд [...] Бурханы библи, Бурханы ариун судруудын оронд чөтгөрийн үгийг сонсоод чөтгөрийн үйл хийдэг. Алах, хүчирхийлэх, дарамтлах, тамлах, аллага үйлдэх зэргээр. (Тийм, Багш аа.) Тэгэхээр яаж Диваажин ийм хүмүүсийг хүлээн зөвшөөрөх вэ? […]
Номлогч (Тэрээр Амгалан Оршиг) хүртэл ийн айлдсан. Хэдийгээр эсрэг талын хүн өөрөөс тань илүү хүчтэй байгаад таныг өрсөөд алчихсан байсан ч та түүнийг алахыг зорьж байсан л бол (Тийм, Багш аа.) та ялсан, эс ялснаас үл хамаарч алах хүсэл тээж байсан болохоор алсан, алагдсан аль аль нь ялгаагүй тамд унах болно.
Ийм л байдаг. Тэгэхээр үр хөндөлт, дайн тулаан зэрэг бусдад хор хөнөөлтэй бүхнийг дэмжсэн хэн ч бай бүгдээрээ тамд унах болно. (Тийм.) Тэд өөрсдөө тэр хуулийг гаргаагүй байлаа ч гэсэн ямарваа ил далд замаар үүнийг дэмжиж, хүлцэж, зоригжуулж өөгшүүлсэн л бол тэд бүгдээрээ тамд унах болно. (За, Багш аа.) Хэн нэгнийг харааж байна гэж битгий бодоорой. Ертөнцийн хууль ийм юм. […]
“CBS-ийн ярилцлага-2018.08.09: Та нарын хэд чинь номлогчийн гарт яг одоо хүүхэд хүчирхийлүүлж байгаа гэдэгт итгэж чадах вэ? Яаж тэгдэг байна аа?? (Сүмийн ДНХ-д үүнийг хөхүлэн дэмждэг ямар нэг зүйл байгаа бололтой.) Жэймс Фалужак хэлэхдээ сүмийн нууцлал болон бэлгийн хүчирхийллийг 18 жилийн турш нуун дарагдуулахыг хохирогчийн болон сүмийн номлогч хүний хувьд харж байлаа гэв. (Санваартан байхдаа миний ажигласнаар энэ бол бараг л халдварт өвчинтэй адил тогтолцоотой, энэ бол тахал гэдэг нь тодорхой болж ирсэн.)
“Wall Street Journal-ийг ярилцлага-2019.07.13: Бидэнд тохиолдсон зүйл бол гэмт хэрэг. Хэзээнээс сүмд эрүүгийн хэргийг шүүх эрхийг олгоо вэ? Яагаад үүнийг шүүхийн байгууллагад аваачиж болохгүй юм бэ?”
Юу ч хийхгүй байгаа төр засгууд болон тэдгээр бүх бөхөлзөгчдийг би бүгдийг нь буруушааж байна. Тэд үлбэгэр дорой байна, эсвэл энэ бүх бузар үйлтэй эвлэрч байна. Мөн сүмийг хүчтэй болохоор л юу ч хэлж зүрхлэхгүй байна. Тэд бол хулчгарууд. Дахиад хэлсэн ч болно. Тэд бол хулчгарууд!! (Тийм, Багш аа.) Тэд ард иргэдийн татварын мөнгийг дэмий хийсгээд бяцхан үрсийг ч хамгаалж чадахгүй байна!! Та нар хулчгарууд!!! […]
Та нар Католик систем, Ватикан бол өөрсдийн гэсэн бүрэн эрхт тогтолцоо гэж хэллээ ч гэсэн […] хүүхдүүд Католик системд харьяалагдахгүй. Хүүхдүүд Ватикан, ямар нэг пап, пэп хэн ч байна уу түүнд харьяалагдахгүй. Хүүхдүүд бол танай улсын иргэд. Харин та бол тэднийг одоо ч ирээдүйд ч хамгаалж, тэднээс өмгөөлж явах учиртай удирдагчид нь. Үгүй бол огцрох ёстой!!! Тэдний эцэг эхийн уй гашуу, гомдол цөхрөл, зовлон шаналлаас та нүүр буруулсан учраас эцэг эх нь гомдол цөхрөлөө хаана хэлэхээ мэдэхгүй дээшээ тэнгэр хол, доор газар хатуу яваа.
“CBS-ийн ярилцлага-2018.08.09: Энэ бүхэн эхлэхэд хүү минь 15-тай байсан. Там түүний хувьд Дэлхий дээр байлаа. Яагаад гэвэл тэр тийм л байсан. Мөн би “хүчирхийлүүлсэн” гэж хэлэхгүй, харин 17-той байхад нь “хүчиндүүлснээс болоод” түүний нуруу гэмтсэн гэж хэлнэ. Мэс заслын аргаар эдгээх арга байгаагүй. Тэгээд өвчин намдаах эмийг санаандгүйгээр тун хэтрүүлснээс болж тэр амь насаа алдсан юм.”
Та нар тэр эцэг эхийн оронд байж, тэр “ариун номлогч” гэгчид хүүхэд чинь хүчирхийлүүлж хүчиндүүлсэн байлаа гэхэд юу ч хийхгүй гэж үү?? Яагаад та нар бүгд чимээ аниргүй байна вэ?? Хэнийг хамгаална вэ? Өөрсдийгөө, байр сууриа өөр юу хамгаалаа вэ? Энэ ямба, эрх мэдлийг атган бүхэл бүтэн улсын дээр заларч байгаа чинь юуны төлөө юм? Юу хийгээд байгаа юм? […]
Тэр номлогчид бол бузар хүмүүс, тэд бол чөтгөрүүд! Тэд номлогч биш. Бусад иргэнд, аливаа гэмт хэрэгтэнд ханддаг шигээ тэдэнд хандах эрх та нарт байгаа. Үнэндээ тэд яавал зөв бэ гэдгийг мэддэг хэр нь буруу зүйл хийж байгаа нь ердийн гэмт хэрэгтнээс ч дор. Тэд эрх мэдлээ урвуулан ашиглаж хүүхдийг хүчирхийлж тэдний хүүхэд насыг, нэр төрийг нь, бүхэл амьдралыг нь сүйтгэсэн. […]
Та нар тэднийг шүүхгүй юм бол түүх та нарыг шүүх болно. Бурхан шүүх болно. Бурхан та нарыг тамд аваачиж, тэнд та нар гэмшин наманчилна. Дэндүү хожимдсон байна. Тамын галд шатаж байхдаа та нарт наманчлах цаг, хүч байхгүй байж мэдэх юм. Би тоглоогүй байна. Та нарыг айлгах гэсэн ч юм алга. Энэ бол бодит байдал. Тэгэхээр сэрж үз!!! Үүрэг хариуцлагаа нухацтайгаар хэрэгжүүл. […]
Эдгээр гэмгүй нялхас хүүхдүүдийн төлөө шударгаар шийдэж өгөөч гэж би Бурханд залбиръя. (За, Багш аа) Бурхан минь Та ямар нэг юм хийх хэрэгтэй. Эс бөгөөс хүмүүс Танд итгэхээ болих учраас тэр үед би тэднийг буруутгаж чадахгүй. Би үүнээс илүү зүйл хийж чадахгүй. […]
Энэ олон арван жил, олон зуун жил хөөрхий үрсээ тэдний гарт зовоочхоод гомдол мэдүүлж шударга ёс нэхэж ч чадаагүй эдгээр ядарсан, дарлагдсан эцэг эхийн төлөө би шударга ёсыг авчирч чадахгүй. Хэзээ эхэлсэн, хэзээ дуусахыг хэн мэдэх билээ? Шударга ёсны төлөө би Диваажинд залбиръя. […]
Манай дэлхий хэдийнээ 11 дэх цагаа өнгөрөөд явж байна. Диваажин урьд өмнөхөөсөө илүү өршөөнгүй биш байх шиг байна. Өршөөл нь улам багасаж байна. Заримдаа би ч бас маш их цөхөрдөг. […]
Тэгээд би, энэ дэлхийн дүлий чихтүүдэд юм хэлж, чөтгөрүүдтэй зууралдсаны хэрэг байгаа юм уу даа гэж бодсон. […] Миний яриа яг л эзгүй цөлд хашхирч байх шиг байдаг. Заримдаа би үргэлжлүүлж чадах эсэхээ ч үнэндээ мэдэхээ байдаг. Гэхдээ л оюун бодол маань юу гэхийг үл хайхран зүгээр л үргэлжлүүлдэг. […]
Хөтлөгч: Хамгаас Өгөөмөр Их Багш Таныхаа дэлхийг аврахын төлөө тууштай хайрын зүтгэлд бид чин сэтгэлээсээ талархаж байна. Шүүлтийн буюу эцсийн тулааны энэ онцгой чухал цаг үед улам улам олон хүн хэтэрхий оройтохоос нь өмнө эргэлт буцалтгүй ёс суртахуунт сайн талыг сонгох байх хэмээн бид найдаж байна. Бүхий л гэм зэмгүй үрс Диваажингаар хамгаалагдаж, үүрэг бүхий хүмүүсээр бүрэн хамгаалагдаж байх болтугай. Бүхий л Ертөнцийн Төрөлтнүүдийн асралт Хамгаалал дор Өршөөлт Их Багш минь үргэлжийн эрүүл энх, аюулгүй оршиг.
Хадитад Хайрт Номлогч (Тэрээр Амгалан Оршиг) Эцсийн Цаг ирснийг илтгэх бусад ямар шинжүүдийг дурдсан талаар Багш шавийн шүтэлцээгээр 12-р сарын 4-ний бямба гарагт конференцийн бүрэн эхээс хүлээн авч үзээрэй.
