2020 оны 9 сарын 2-нд Суприм Мастер Телевизийн ажлын багийн гишүүдтэй утсаар ярих үеэрээ бидний Хамгаас Хайрт Төгс Гэгээрсэн Их Багш Чин Хай дэлхийн төлөө гүн бясалгасаар байгаа ч, энэ тодорхойгүй цаг үед бясалгахын чухлыг энэрэнгүйгээр тайлбарлан өгсөн юм.
Би хангалттай бясалгахгүй бол бас асуудалд орно. Өвчин тусна. Зөвхөн сүнслэгээр унах биш бие махбодын хувьд бас унаж, улам их өвчлөх юм уу шинэ өвчин тусаж, илүү асуудалд орно. Та нар бясалгалаа ч, магадгүй заримдаа ажиллах ёстой байдгаас болж ажиллаж, дараа нь цагтаа бясалгахаар магадгүй ядардаг байж болох юм. Энэ бол адислал. (За, Багш аа.) Гадагш гарах юм уу жаахан дасгал хийж, хүйтэн усаар нүүрээ угааж, буцаад армидаа очно. Бид үнэхээр урагш зүтгэсээр. Бид дэлхийг үүрч байгааг мэдэх үү? (Тийм.) Бид үнэхээр дэлхийг үүрч, дэлхийн төлөө ажиллахаар өөрсдийнхөө жижиг армид алба хааж байна.
Дэлхий дахины бүх номын ах, эгч нар тань дэмжиж байгаа. Тэд бас шаргуу ажиллаж байгаа, өөрсдийнхөө нөөц боломж, цаг зав, нөхцөл байдалд чадлаараа ажиллаж байгаа, учир нь тэд бас гэр бүлтэй. (Тийм.) Тэд чадах зүйлээ хийж, үнэхээр чадлаараа хичээдэг. Бүх нэвтрүүлгээр үүнийг харах боломжтой. (Тийм, Багш аа.) Тэдний хийдэг ажлаар. Бид өөрт оногдсоноо хийх учиртай. Би өөрийнхөө хийдэг.
Гэвч сайн бясалгадаггүй хүмүүс, эрт орой хэзээ нэгэн цагт сөрөг ертөнцийн, тэдэн дээр нүдэж байгаа үр нөлөөг хүртэнэ. Учир нь дэлхийн бүх хүн бясалгадаггүй, эсвэл ядаж веган биш учраас энэ бүх сөрөг хүч биднийг дарамталдаг. Яг л гүн далайд байгаа мэт. Хэдийгээр хүчил төрөгч, тоног төхөөрөмжтэй байсан ч, газар дээр байснаас өөр. (Тийм.) Хангалттай бясалгаагүйгээс болоод төхөөрөмж чинь жишээ нь цоорвол, тэндээ дуусах болно. Эргэн тойрны тань бүх усны даралтын хүч зүгээр л та нарыг няцална. (За, Багш аа.) Учир нь бясалгал бол үнэхээр та нарын хамгаалалт. Та нарыг дэмждэг өөрсдийнхөө илүү агуу хүчтэй, ертөнцийн хүчтэй илүү холбогдсон үед та нарыг чанга тэвэрч, хамгаалж, та нарыг хайр, адислалаар хамгаалдаг. Үнэхээр тийм. Энэ дэлхийд та нарыг хамгаалж чадах өөр хүч байхгүй.
Ямар ч үеийг, ямар ч хормыг ашигла, нойлд сууж байхдаа ч бясалга. Ямар ч хоромд, хаа ч байсан, үргэлж, Бурхантай холбогд. Илүү холбогдсон байх тусмаа та нарт сайн, эрүүл мэндэд тань сайн байдаг ба сүнслэг хүчинд тань, ядарсан бусдыг үүрэхэд тань тустай. Үнэндээ, бид тэднийг үүрэх ёстой, учир нь тэд дэндүү сул дорой. Бид хүчтэй байхыг хүсдэг. Би бүгдийн төлөө тэнд байхыг хүсдэг. (За, Багш аа.) Ядаж л энэ хоромд. Нэн ялангуяа, энэ мөчид, учир нь дэлхийд одоо маш их асуудал байна. Бурхан биднийг адислаг, Бурхан адислаг. Зөвхөн Бурхан биднийг адисалснаар бид үргэлжлүүлэх боломжтой. (За, Багш аа.) Гэвч бид тэнд Бурханы адислалын төлөө байх ёстой. (За.) Бясалгалаар, бид бүх ертөнцтэй илүү холбогддог. Мөн тэр хүчинд бид найдаж болно. (За, Багш аа.) Бусдаар бол, энэ дэлхийн хүч биднийг бүрхэх болно. Учир логикийг нь ойлгож байна уу? Харж байна уу? (Тийм, тийм, Багш аа.)
Ертөнцийн агуу, агуу Хүчээр бүрхүүлээгүй бол, дэлхийн сөрөг хүчинд бүрхүүлэх болно. Хэдийгээр маяа байхгүй болсон ч, мөн маяагийн хүч байхгүй болсон ч сөрөг хүч хүмүүсийн дотор байсаар байгаа. (За.) Тиймээс энэ бүх сөрөг хүчийг бид зохицуулах ёстой хэвээр. Ертөнцийн Хүчээр бүрхүүлж, сөрөг хүч бүрхэхийг бүү зөвшөөр. (За.) Байнга хүрээлүүл, бясалгаж хүчирхэгжүүлж, байнга байлгаарай. (За, Багш аа.)
Үнэндээ, олон нийтийн ямар нэг ажилд оролцож байгаа бүх хүмүүс, бусдын төлөө, Их Багшийн төлөө ажиллаж байгаа бүх хүмүүс хамгийн багадаа өдөрт 4 цаг бясалгах ёстой. (За, Багш аа.)
Тэгснээр хүчтэй байна. (За, Багш аа.) Ертөнцийн хүчтэй хамт байхын тулд илүү шийдэмгий бясалгах учиртай, тэгснээр бид энэ хамгаалалтын бүрхүүлээр бүрхүүлнэ.
Их Багш мөн олон амьтад найзуудаасаа болон Тавдугаар Түвшний нэгэн Их Багшаас хүлээн авсан зарим мессежээ хуваалцсан юм.
Ахуй ойлголтод Тэр бас ирээд, надад, “Бүү яв.” гэж хэлсэн. Дараагийнхыг нь би хэлэхгүй. Өөр бусад зүйлс, цаг нь болохоор биелнэ. Тийм ч хол биш. Би баяртай байгаа. Гэхдээ та нарт хэлээгүй нь дээр. (Ойлголоо.) Намайг уучлаарай. Биелэхээр нь та нар мэднэ. (За, Багш аа.)
Хамгаас Ивээлт Их Багш Та бидэнд илүү хүч хайрлаж, урагш алхсаар байх ойлголт өгсөн урам хайрлам сайхан мессеж хүргэсэнд гүнээ талархаж байна. Таны мөнхийн Хайр, хязгааргүй Нигүүлсэл, Тэсвэр Тэвчээр, Ивээл дор манай гарагийг болон тоолшгүй олон төрөлтнүүдийг гэрэлт ирээдүй хүлээж байгаа гэж хардаг. Хайрт Их Багш Таныг Агуу Бурхад үргэлж хамгаалж байх болтугай. Бурханы Гэрэл дор бид бүхэн веган дэлхийн төлөө залбирсаар байг. Төгс Гэгээрсэн Их Багш Чин Хайтай утсаар холбогдсон энэ нэвтрүүлгийг бүрэн эхээр нь Багш шавийн шүтэлцээ нэвтрүүлгээр дараа нэг өдөр хүлээн авч үзээрэй.
